Ве известуваме дека во Италија, од понеделник 6-ти декември, при користење локален јавен превоз, регионален и меѓурегионален железнички превоз, како и за престој во хотели и други сместувачки капацитети, задолжително е да се поседува барем основниот Green Pass.
Се работи за Green Pass кој се добива по вакцинацијата со вакцини одобрени од EMA (Pfizer, Moderna, Astra Zeneca, J&J), по оздравување од Ковид-19 или по спроведување на PCR или антигенски брис во последните 48 часа. Антигенскиот тест може да се направи и во аптека, која ќе издаде Green pass во хартиена форма или ќе го испрати по е-пошта до засегнатото лице. Проверките во транспортните средства ќе се вршат „по случаен избор“, а лицата кои немаат потврда ќе бидат казнети.
