Матичен Број (Codice Fiscale)
- Што претставува
- За што служи
- Како се поднесува барање
- Што претставува
Матичниот број (Codice Fiscale) е алфанумеричкиот код издаден од Управата за Приходи за идентификување на граѓанинот (италијански или странски), во односите со јавните администрации, приватни лица и италијански организации. За физичките лица, матичниот број се одредува на основа на податоците од матичната евиденција.
- За што служи
Секоја административна обврска (плаќање даноци, давачки, накнади итн.) или договорна активност (прифаќање наследство, договори со јавни или приватни субјекти, барање на финансирање, спонзорства, закуп или заем на недвижен имот итн.) бара внесување на матичниот број (Codice Fiscale) на лицето кое ја извршува.
- Како се поднесува барање
Италијанските државјани кои живеат во странство можат да го побараат матичниот број (Codice Fiscale) преку Конзуларното биро, како и директно во канцелариите на Управата за Приходи, распоредени на територијата на Италија, согласно член 1 на Извршната Одлука од 17 мај 2001, бр. 281, имајќи го предвид широкото распоредување и широко распространетата мрежа на канцеларии на Управата за приходи во Италија.
Странските државјани кои не живеат во Италија можат да овластат одредено лице да поднесе барање за матичен број (Codice Fiscale) директно во канцелариите на Агенцијата за приходи распоредени на територијата на Италија.
ИТАЛИЈАНСКИ ДРЖАВЈАНИ КОИ ЖИВЕАТ ВО СТРАНСТВО И СЕ РЕГИСТРИРАНИ ВО СЕКЦИЈАТА АИРЕ
Италијанските државјани над 18 години регистрирани во АИРЕ можат да побараат матичен број (Codice Fiscale), за себе и за своите малолетни деца, преку електронскиот портал Fast-it, пристапувајќи до соодветната услуга и следејќи ги упатствата. Истовремено, преку порталот Fast-it ќе биде можно да се преземе сертификатот за потврда на матичниот број (Codice Fiscale), откако ќе биде завршена обработката на барањето.
Како?
- Пристапи на порталот Fast It;
- Кликни на „Anagrafe Consolare e AIRE“ (Consular Registry and AIRE) и потоа на „Attribuzione Codice Fiscale“ (Assignment of Codice Fiscale);
- Потврди ги податоците и започни со поднесување на барањето;
- Откако барањето ќе биде обработено од конзулатот, ќе можеш самостојно да го преземеш сертификатот за доделување на матичниот број (Codice Fiscale).
Ако не можеш да го преземеш сертификатот за доделување на матичниот број (Codice Fiscale):
- Регистрирај се на порталот FAST IT или пријави се ако веќе имаш активен профил;
- Побарај ја опцијата „Associazione Online“ (Online Association) кликајќи на „Anagrafe Consolare e AIRE“ (Consular Registry and AIRE) и потоа на „Visualizzare la propria scheda anagrafica“ (View your registration details);
- Ќе добиеш порака на твојата е-пошта за успешно поврзување.
- Пријави се повторно на порталот и преземи го сертификатот.
Полнолетните италијански државјани кои се регистрирани во АИРЕ и веќе имаат матичен број (Codice Fiscale), можат директно да го преземат сертификатот за потврда на матичниот број (Codice Fiscale), преку електронскиот портал Fast-it, пристапувајќи до соодветната услуга и следејќи ги упатствата за поднесување на барањето за матичен број; во овој случај нема да биде потребно интервенција на Конзулатот за издавање на сертификатот.
Лицата кои сакаат да ја примат и картичката за матичен број (Codice Fiscale), треба да поднесат барање за матичен број и картичка, пополнувајќи го соодветниот образец заедно со копија од личен документ.
Во случај на губење или уништување на печатениот сертификат или пластичната картичка, може да се побара дупликат на истиот начин како при доделувањето.
За дополнителни информации се препорачува да се посети веб-страницата на соодветното Конзуларно биро.
СТРАНСКИ ДРЖАВЈАНИ КОИ НЕ ЖИВЕАТ ВО ИТАЛИЈА
Странскиот државјанин кој не живее во Италија треба да овласти посебно лице да го поднесе образецот за барање на матичен број (Codice Fiscale) директно до канцелариите на Управата за Приходи, распоредени на територијата на Италија, согласно член 1 на Д.М. од 17 мај 2001, бр. 281.
Адресите на канцелариите на Управата за Приходи се достапни на веб-страницата www.agenziaentrate.it.
Матичниот број (Codice Fiscale) може да се побара од странскиот државјанин преку италијанското Конзуларно биро, надлежно за местото на престој, само во случаите кога матичниот број (Codice Fiscale) е потребен за процедури што треба да се извршат онлајн, и/или кога странскиот државјанин не може да овласти лице за поднесување на барање до Управата за Приходи: во тие случаи, Конзуларното биро ќе го испрати барањето до Управата за Приходи во Италија.
Барањето за матичен број (Codice Fiscale) треба да се поднесе пополнувајќи го соодветниот образец заедно со копија од личен документ и со објаснување на причините за барањето.
За дополнителни информации се препорачува да се посети веб-страницата на соодветното Конзуларно биро.
Студентите кои имаат потреба од матичен број (Codice Fiscale) за предупис на Универзитет може да го добијат автоматски преку порталот UNIVERSITALY при апликацијата за предупис. Доделувањето на матичниот број (Codice Fiscale) може да се доврши: преку Единствениот шалтер за Имиграција или од страна на Полициската станица при поднесување барање за дозвола за престој, за студентите од земјите надвор од ЕУ; од Управата за Приходи со пополнување на образецот AA4/8, за студентите од ЕУ.
Странските државјани кои имаат потреба од матичен број (Codice Fiscale) за купување недвижности или за други трговски/финансиски активности во Италија можат да го овластат свој претставник да го побара матичниот број (Codice Fiscale) од Управата за Приходи во нивно име.
За државјаните на земји надвор од ЕУ кои имаат намера да престојуваат во Италија, матичниот број (Codice Fiscale) се доделува:
– преку Единствениот шалтер за имиграција, присутен во секоја Префектура и надлежен за издавање на дозволата за влез за странски државјани кои бараат дозвола за престој за вработување или за спојување на семејството;
– преку Полициската станица, канцеларија на Полициската служба, за странски државјани кои бараат други типови на дозволи за престој.
Државјаните на земји од ЕУ кои имаат намера да престојуваат во Италија, можат да го побараат матичниот број (Codice Fiscale) поднесувајќи го образецот AA4/8 до територијалната Канцеларија на Управата за Приходи. Барањето мора да биде образложено и да биде придружено со важечки личен документ (пасош или лична карта важечка за патување).
Странскиот државјанин кој има потреба од матичен број (Codice Fiscale) за започнување судска постапка во Италија, може да ја вклучи во овластувањата доделени на адвокатот, на којшто му го доделил случајот и задолжението да побара матичен број (Codice Fiscale) во било која канцеларија на Управата за Приходи; адресите на канцелариите на Управата за Приходи се достапни на веб-страницата www.agenziaentrate.it.