ЦЕЛ НА ГРАНТОВИТЕ
Итлаијанското Министерството за надворешни работи и меѓународна соработка (MAECI) објавува повик за грантови насочени кон промовирање на италијанскиот јазик и култура во странски неуниверзитетски државни образовни институции, преку поддршка за работни места за наставници по италијански јазик и доделување стипендии и патувања за напредна обука.
ПРИМАТЕЛИ НА ГРАНТОВИ
Средствата може да се доделат за следниве цели:
а) создавање и одржување на катедри по италијански јазик: грантови насочени кон делумно покривање на платите на наставниците вработени директно од образовните институции според договори од локалнота легислатива.
б) стипендии за патувања за напредна обука: алтернативно, делумни
придонеси за студиски патувања во Италија се наменети за студенти кои се истакнале со своите постигнувања на курсеви по италијански јазик и култура. За време на процесот на евалуација приоритет ќе им се даде на апликации од училишта чии ученици учествувале на натпревари промовирани од Министерството за надворешни работи и меѓународна соработка (MAECI).
КРИТЕРИУМИ ЗА ДОДЕЛУВАЊЕ
Критериумите и процедурите за доделување се регулирани со Уредба бр. 4100/20 од 4 март 2026 година, достапна на следната адреса:
https://www.esteri.it/mae/resource/atti_concessione/CM_25971.pdf
За да му се додели грантот, училиштето-апликант мора да постигне резултат од 50 поени или повеќе.
УЧИЛИШТАТА ТРЕБА ДА ПОДГОТВАТ
Заинтересираните училишта мора да ја достават документацијата наведена подолу, строго почитувајќи ги утврдените процедури и рокови.
A. Поднесување на новата апликација (Е.Ф. 2026)
- Мотивационо писмо: напишано на италијански јазик на меморандум, мора да ги содржи информациите за идентификација на училиштето (име, адреса, контакт информации), потпис на одговорното лице и детална причина за барањето.
- Технички обрасци (Анекси А и Б)
Барањата за финансирање мора да се поднесат со користење на приложените обрасци, достапни во PDF формат што може да се уредува:
„Прилог А“ за барања за финансирање катедри по италијански јазик и
„Прилог Б“ за барања за финансирање за стипендии/специјализациски патувања во Италија.
Правилно пополнетите прилози/обрасци мора да го носат читливиот потпис на законскиот претставник на институцијата што го поднесува барањето, прикачен во jpeg формат – на прилогот во PDF формат кој може да се модификува, заедно со датумот и печатот на училиштето.
РОК ЗА БАРАЊА ЗА ГРАНТОВИ
Барањата за грантови мора да се достават до надлежната канцеларија до 2 април 2026 година.
Б. Известување за претходни грантови (Прилози А2 и Б2)
Поднесувањето извештаи е задолжително за сите институции што примиле средства во последните пет години, дури и во отсуство на ново барање. Неговото поднесување е предуслов за исплата на какви било нови грантови.
Конечниот извештај за користењето на најновиот примен грант мора да биде подготвен со користење на новите прилози:
- Прилог А2: за грантови поврзани со катедри по италијански јазик.
- Прилог Б2: за грантови поврзани со патувања за напредна обука.
РОК ЗА ПОДНЕСУВАЊЕ ДОКУМЕНТАЦИЈА ДО АМБАСАДИТЕ
Образците А2 или Б2 за извештаи мора да се достават до Канцеларијата до 30 јуни 2026 година.
Потсетуваме да се има предвид дека за да се зачува целовидноста на интерактивните функции и полињата за пресметка, прилозите мора да се отворат исклучиво со користење на Adobe Acrobat Reader, Microsoft Edge или Internet Explorer.
Услов за прием на апликациите: Само апликациите пополнети дигитално со користење на обезбедените PDF шаблони ќе се сметаат за подобни. Обрасците пополнети рачно или зачувани во други формати (на пр., скенирани документи на хартија) нема да бидат прифатени.
ПРИЛОЗИ:
• Прилог А
• Прилог Б
