Денес, на Денот на сеќавањето, им оддаваме почит на жртвите на Холокаустот и чест на преживеаните, за да се осигураме дека ужасот на Холокаустот никогаш повеќе нема да се повтори.
Сеќавањето не е формален ритуал. Тоа е колективна одговорност кон иднината.
Им благодарам на сите наши амбасади, конзулатите на Италија и институтите за култура кои денес, со бројни иницијативи, ја зајакнуваат оваа порака ширум светот.
Наша должност е на новите генерации да им оставиме свет ослободен од вирусот на антисемитизмот.
Како што имав чест да истакнам, кога како министер за надворешни работи ја претставував Владата на Денот на сеќавањето во музејот Јад Вашем, никој, никогаш повеќе, не смее да живее во страв само затоа што е Евреин.
Амбисто на Холокаустот ја погоди во срцето нашата цивилизација и засекогаш ја обележа историјата и идентитетот на Европа.
Самото сеќавање не е доволно. Потребна е и будност.
Антисемитизмот не исчезна.
Тој е сенка што повторно се појавува во нашите општества, во Европа и во светот.
За жал, на тоа нè потсетуваат и кукавичките терористички напади, како оној во Бонди Бич во Австралија, кои ревносно и без двоумење ги осудуваме.
Но и многубројни секојдневни случаи на насилство и дискриминација, и во нашите градови, и во Европа.
Антисемитизмот е невидлив отров. Денес тој се шири пред сè онлајн и преку социјалните мрежи.
Затоа е потребен противотровот на сеќавањето, знаењето и почитта.
Сакаме сè повеќе да ги шириме овие вредности во училиштата, универзитетите и на нашите улици.
Борбата против антисемитизмот за мене е борба која трае цел живот, и на политичко и на човечко ниво.
Нема место за антисемитизам. Тој е неспоив со нашите вредности, нашите принципи и нашиот идентитет.
Италијанската влада е во првите редови во спротивставувањето на антисемитската омраза.
Ова е заложба што ја носам секојдневно, и во Европа и на сите меѓународни состаноци, како знак на нашата конкретна и непрекината акција за промовирање дијалог и мир.
Денес, заедно, уште еднаш велиме, насекаде во светот: никогаш повеќе!
