Questo sito usa cookie per fornirti un'esperienza migliore. Proseguendo la navigazione accetti l'utilizzo dei cookie da parte nostra OK

Голем успех во Скопје на првата меѓународна етапа на кампањата „Una vita da social - Живот на социјалните мрежи“ на Државната полиција за безбедност на интернет и за борбата против сајбер булингот.

Data:

19/10/2019


Голем успех во Скопје на првата меѓународна етапа на кампањата „Una vita da social  - Живот на социјалните мрежи“ на Државната полиција за безбедност на интернет и за борбата против сајбер булингот.

На 16 октомври оваа година, врз основа на иницијатива промовирана од италијанската Амбасада, Вицепремиерот и Министер за внатрешни работи Оливер Спасовски, Министерот за образование и наука, Арбр Адеми и Министерот за информатичко општество, Дамјан Манчевски, заедно со Амбасадорот Ромео, се сретнаа со претставниците на италијанската Државна Полиција (Поштенска и Полиција за безбедност во комуникациите) во Скопје, благодарение на соработката со Филмскиот фестивал за млади „Џифони Македонија“ - кој го прослави своето седмо издание - за првата меѓународна етапа на проектот „Una vita da social – Живот на социјалните мрежи“ најважната патувачка едукативна кампања во областа на подигање на свеста и спречување на ризиците и опасностите од интернет за малолетни лица (Безбеден интернет центар) и борбата против сајбер булингот.

Во овие шест години, Поштенската и Полицијата за безбедност во комуникациите ја посетија цела Италија, и остварија средби со ученици, професори и родители, со една единствена цел: да нема повеќе жтрви на сајбер булингот и на другите видови на злоупотреби поврзани со искривената употреба на модерните начини на комуникација, феномени кои се повеќе се шират. До денес, во Италија се одржаа средби со над 2 милиони ученици, 220.000 родители, 125 професори, во вкупно 17.000 училишта во 300 градови.

Во Скопје, во само 4 дена, заменик-началникот Масимилијано Мормоне, Комесарот Марко Валерио Червелини и Вишиот Инспектор, Роберта Манцо, се сретнаа со над 1200 ученици, млади студенти и наставници од околу 20 училишта во Скопје и го илустрираа значењето на проектот на италијанската полиција, привлекувајќи голем интерес кај младите луѓе, за што сведочат и говорите на тројцата министри, кои топло им се заблагодарија на Амбасадата на Италија и на Државната полиција за оваа иницијатива, досега единствена од ваков вид, како и бројните прашања кои момчињата и девојчињата ги поставуваа. Претставниците на Државната поштенска полиција и на полицијата за безбедност во комуникациите, исто така се сретнаа со околу 40 колеги од македонската полиција и со претставници на невладини организации активни во тој сектор, на кои го илустрираа проектот, потврдувајќи ги одличните билатерални односи во областа на полициската соработка.


367